Ni NERIO AGUAS
Inilabas na ng Bureau of Immigration (BI) ang hold departure order (HDO) laban kay dating Bureau of Corrections chief Gerald Bantag at kay dating deputy security officer Ricardo Zulueta.
Ayon kay BI Commissioner Norman Tansingco natanggap na nito ang kautusan sa Muntinlupa City Regional Trial Court noong Abril 25.
Dahil dito, pinagbabawalan na sina Zulueta at Bantag na umalis ng bansa.
“The HDO was immediately encoded in our centralized system and may be seen by our immigration officers at all ports nationwide. Should they be encountered in any airport or seaport, they will be prevented from departing without prior approval from the courts,” sabi ni Tansingco.
Matatandaang noong Disyembre 2022, nagpatupad din ang BI ng lookout bulletin order laban sa Bantag at Zulueta, na nag-uutos sa lahat ng immigration officers na malapitang iulat sa Department of Justice (DOJ) at National Bureau of Investigation (NBI) ang anumang pagtatangka ng mga suspek na umalis ng bansa
OnlineBalita news 