Ni NERIO AGUAS
Minamadali na ng Department of Public Works and Highways (DPWH) na matapos ang pagtatayo ng isang flood control structure sa Gabaldon, Nueva Ecija laban sa banta ng pagbaha pagdating ng tag-ulan.
Ipinapatupad ng DPWH Nueva Ecija Second District Engineering Office (DEO), ang P88.4-milyong proyekto na kinabibilangan ng pagtatayo ng 846-lineal-meter gabion-type flood control structure sa kahabaan ng Barangay Bugnan Section ng Coronel River sa bayan ng Gabaldon ay makakatulong para maiwasan ang pagbaha sa nasabing lugar.
Sa kanyang ulat kay DPWH Secretary Manuel M. Bonoan at Undersecretary for Operations in Central Luzon Roberto R. Bernardo, sinabi ni DPWH Regional Office 3 Director Roseller A. Tolentino na ang proyekto ay proteksyon upang matiyak ang kaligtasan ng mga buhay at ari-arian ng mga residente na kabilang sa mga pangunahing prayoridad. ng DPWH sa rehiyon.
Ayon kay Tolentino, nasa 86 porsiyentong natapos na ang proyekto sa loob lamang ng wala pang tatlong buwan mula noong simulan ito noong Pebrero 2023.
Nakatakdang matapos ang buong proyekto sa Oktubre 2023 ngunit maaaring ilipat sa mas maagang petsa kung papayagan ng magandang panahon at walang pagkaantala ang makakaapekto sa mga aktibidad sa konstruksyon.
Sa oras na ito ay matapos, ang anim na patong na gabion wall na idinisenyo upang ikonekta sa mga dating itinayo na mga istrukturang proteksiyon sa lugar, ay nakikitang magpapahusay sa produksyon ng pananim sa pamamagitan ng pagprotekta sa kalapit na mga bukirin mula sa pag-agos ng tubig ng ilog at pagbabawas ng pag-agos ng lupa sa mga pampang ng ilog.
OnlineBalita news 