Ni NOEL ABUEL
Pinagtibay ng Mababang Kapulungan ng Kongreso ang isang resolusyon na binabati at pinupuri ang Filipino-American na si R’Bonney Nola Gabriel sa pagkapanalo ng titulong Miss Universe.
Ang House Resolution no. 974 na iniakda ni Speaker Ferdinand Martin G. Romualdez, at mga co-authors na sina Majority Leader Manuel Jose “Mannix” M. Dalipe, Minority Leader Marcelino “Nonoy” Libanan, Senior
Majority Leader at Ilocos Norte Rep. Ferdinand Alexander A. Marcos, at Tingog Party-list Reps. Yedda Marie K. Romualdez at Jude Acidre.
Si Gabriel ay kinoronahang Miss Universe sa 71st Miss Universe pageant na ginanap sa New Orleans, Louisiana, United States, noong Enero 15 ngayong taon.
Isinulong ito noong Marso 20, 1994 sa Houston, Texas kung saan ang magulang nito ay isang Filipino na si Remigio Bonzon Gabriel, at American mother na si Dana Walker.
Noong nakaraang Mayo 10, bumisita si Gabriel sa Pilipinas para sa koronasyon ng 2023 Miss Universe noong Mayo 13 at nagsilbing panel of judges na napiling Miss Universe Philippines na kakatawan sa bansa sa Miss Universe 2023 competition sa huling bahagi ng taong ito.
Sa kanilang resolusyon, sinabi ni Romualdez at ng kanyang mga co-authors na si Gabriel ay nakagawa ng kasaysayan bilang kauna-unahang Filipino-American na nanalo sa titulong Miss Universe at ang unang Filipino-American na kinoronahang Miss USA.
“Owing to her Filipino ancestry, Ms. R’Bonney Gabriel opened the door for more diversity and Asian-American representation in the international stage and inspired women and young girls to achieve their goals while embracing their roots,” sabi ni Romualdez.
Nagwagi itong Miss Universe at may hawak na Fashion Design and Fibers degree mula sa University of North Texas sa Denton, Texas, at nagsimula ng kanyang sariling eco-friendly fashion line, R’Bonney Nola, na nagtataguyod ng mga etikal na kasanayan sa pamamagitan ng up-cycling at paggamit ng mga napapanatiling materyales.
Sinasabing bilang isang dalubhasa sa disenyo ng fashion at paggawa ng damit, nagtuturo si Gabriel ng pananahi sa mga babaeng nakaligtas sa karahasan sa tahanan at human trafficking na magbibigay-daan sa kanila na makapagtatag ng mabubuhay na kabuhayan.
“With her years of community work and advocacy, Ms. R’Bonney Gabriel inspires Filipinos and Asian-Americans not only to pursue their individual passions but also to employ their unique abilities and perspectives to motivate, lead and empower others,” paliwanag pa ng mga kongresista.
“Worthy of her title and crown, Miss Universe R’Bonney Gabriel is a confident and courageous individual who uses her influence as a force for good and beautifully represents cultural diversity, and for which she deserves utmost recognition and commendation,” anila.
Ipapadala ng Kamara ng kopya ng resolusyon kay Miss Universe R’Bonney Gabriel.
OnlineBalita news 