Ni NERIO AGUAS
Naglabas ng abiso ang Bureau of Immigration (BI) sa lahat ng dayuhan sa bansa na huwag maniwala sa fake operations order na nag-iinspeksyon sa mga bars at hotels ang ahensya
Sa inilabas na advisory ni BI Commissioner Norman Tansingco, sinabi nitong ang operations order na pinamagatang ‘checking overstaying and illegal employment in various entertainment places’ ay hindi nanggaling sa BI.
Iginiit ng fake order na ang mga immigration personnel ay inutusang mag-inspeksyon sa mga lugar ng libangan sa Maynila, kabilang ang mga bar, KTV, music house, golf club, bowling alley, internet cafe, amusement park, casino, hotel, guest house, at restaurant para maghanap ng mga ilegal na dayuhan.
“No such order has been issued by the BI. Our operatives are not authorized to randomly inspect establishments, but instead are required to secure a mission order to conduct an arrest. A mission order is only issued upon thorough investigation and confirmation that the subject foreign national has indeed violated immigration laws,” sabi ni Tansingco.
Naniniwala si Tansingco na ang pekeng utos ay ginagamit ng mga sindikato na nananakot sa mga dayuhan sa bansa para i-scam.
Sinabi nito na dapat na iulat kaagad sa mga local law enforcement agencies.
OnlineBalita news 