NI NOEL ABUEL
Suportado ng ilang kongresista ang panawagan ni Department of the Interior and Local Government (DILG) Secretary Benhur Abalos na maghain ng courtesy resignations ang lahat ng matataas na opisyal ng Philippine National Police (PNP) bilang bahagi ng kampanya laban sa illegal drug trade.
Ayon kay Surigao del Norte Rep. Robert Ace Barbers, chairman ng House Committee on Dangerous Drugs, bagama’t wala namang kongkretong ebidensya na sangkot ang lahat ng top-ranked police officers ay batid naman ng lahat na may ilang tauhan ng mga ito ang sangkot sa operasyon ng pagkalat ng illegal na droga.
“As chairman of the House Committee on Dangerous Drugs, I am in full support of DILG Secretary Abalos’ call to “cleanse” the ranks of senior police officers who may have been “infected” or involved in the illegal drug trade,” sabi ni Barbers.
Magugunitang sinabi ng DILG chief na dapat na maghain ng courtesy resignations ang mga may ranggong colonel hanggang heneral na sasailalim sa ebalwasyon ng binuong 5-member committee ng DILG.
“In October last year, a member of the PNP Drug Enforcement Group identified as S/Sgt. Rodolfo Mayo Jr. was implicated in the storage of nearly a ton of shabu worth P6.7 billion in Manila. Since then, our anti-drug agencies had been quiet in identifying who was the drug lord, the traffickers, the protectors, the coddlers and other cohorts of Sgt. Mayo in the huge drug cache,” pahayag pa ng kongresista.
“Hindi natin nilalahat at alam natin na kaunti lang na police officers and maaring pasok sa illegal drug trade. At sa tingin ko, tama lang ang hakbang na tinatahak ni DILG Secretary Abalos upang linisin ang hanay ng ating kapulisan laban sa illegal na droga,” dagdag ni Barbers.
OnlineBalita news 