Ni NERIO AGUAS
Muling nagbabala si Bureau of Immigration (BI) Commissioner Norman Tansingco sa publiko laban sa mga scammers na nag-aalok ng immigration services sa social media platforms.
Ang babala ay matapos tumestigo si Movement for Restoration of Peace and Order (MRPO) Chairperson Ka Kuen Chua sa pagdinig ng Senate Public Order and Dangerous Drugs Committee na may mga offer sa social media na naniningil ng P1 milyon hanggang P5 milyon para alisin ang immigration blacklists ng isang dayuhan.
“We have observed that this scam proliferates not only on Facebook, but also in other messaging platforms such as WeChat,” sabi ni Tansingco.
“There are even some accounts that pretend to be immigration lawyers and legal officers. They create profiles using photos of our employees, their badges, or even the logo of the Bureau,” dagdag pa nito.
Magugunitang noong Setyembre ng nakalipas na taon ay naglabas din ng katulad na babala ang BI nang lumabas sa social media ang mga ulat ng mga pekeng empleyadong nag-aalok ng mga iligal na serbisyo.
“This is a recurring scam that pops up every now and then. We warn the public not to engage with these scammers. Remain keen to avoid being victimized,” ayon pa kay Tansingco.
Paalala pa ni Tansingco sa publiko na agad na mag-ulat ng online scam sa Bureau of Immigration o iba pang law enforcement agencies para agad na madakip at makulong.
OnlineBalita news 