Ni NOEL ABUEL
Dalawa pang kongresista at iba pang local officials ang lumipat sa partidong Lakas-Christian Muslim Democrats (Lakas-CMD)
Pinangunahan ni Speaker Ferdinand Martin G. Romualdez, pangulo ng Lakas-CMD, at Majority Leader Manuel Jose “Mannix” M. Dalipe, ang panunumpa bilang bagong miyembro ng Lakas-CMD sina South Cotabato 2nd District Rep. Peter B. Miguel at Laguna 2nd District Rep. Ruth Mariano-Hernandez sa Speaker’s Office sa Quezon City.
“It’s a great honor and pleasure to have all of you today (Tuesday) and it’s an auspicious day because you have joined Lakas-CMD. We thank you for coming and I am here personally to assure you that you have joined the right party,” pahayag ni Romualdez sa dalawang kongresista.
Nabatid na si Miguel at Mariano-Hernandez ang pang-69 at pang-70 miyembro ng Kamara na lumipat sa Lakas-CMD.
Samantala, ilang local government officials din ang nanumpa sa partido kabilang sina Ilocos Sur Vice Gov. Ryan Luis Singson, Biñan City Mayor Walfredo Dimaguila Jr., Vice Mayor Angelo B. Alonte, at Councilors Libunero O. Alatiit, Jayson A. Souza, Elmario Dimaranan, Flaviano D. Pecaa, Jr., Elvis L. Bedia, Rommel R. Dicdican, Jonalina R. Reyes, Christopher A. Alba, Rafael L. Cardeño Jr., Alvin Z. Garcia at Victor L. Cariño ng Biñan City.
Gayundin sina Mayors Jose Paolo Teves III ng Baras, Juan Rodulfo ng Bato, Odilon Pascua ng Bagamanoc, Glenda Aguilar ng Caramoan, Vicente Tayam Jr. ng Gigmoto, at Cesar Robles ng Panganiban, pawang mga taga-Catanduanes, na nanumpa sa Lakas-CMD.
Habang ang iba pang local officials na sina Cora June Lagasca-Solano, Aristeo A. Ragay, Allan B. Valenzuela, Cristobal E. Notado Jr., Inocasio C. Noora, Dave E. Peñaflor, Milany V. Ragay, Jaime B. Cacatian, Roslin P. Oro, at Menardo G. Olivan mula sa San Fernando, Camarines Sur ay nanumpa rin bilang miyembro ng Lakas-CMD.
“We continue to grow our membership in support of the administration of President Ferdinand Marcos Jr.’s Agenda for Prosperity and socio-economic development roadmap,” ayon pa kay Romualdez.
Sinabi nito na ang economic blueprint ng administrasyon ay nagsimulang umani ng bunga tulad ng ipinakita ng mas mahusay kaysa sa inaasahang paglago ng gross domestic product (GDP) sa unang anim na buwan ng anim na taong termino ng Pangulo.
“We will do our best to make such growth trickle down to the poor sectors of our society through social services and direct financial assistance programs,” ayon sa lider ng Kamara.
OnlineBalita news 