Biometric immigration screening sa mga dayuhan iniapela sa DOJ

Ni NOEL ABUEL

Umapela si Surigao del Sur Rep. Johnny Pimentel sa Department of Justice (DOJ) na gumawa ng biometric border security plan na magbibigay-daan sa modernisasyon ng Bureau of Immigration (BI) upang masubaybayan nang mas mabuti ang mga dayuhan na pumapasok at lumalabas ng bansa.

“The BI should start deploying biometric checks to verify the identities of foreign visitors and validate their entry or exit,” sabi ni Pimentel, vice chair ng House good government and public accountability.

“We would urge the DOJ to work closely with the Department of Budget and Management so that new appropriations for the BI’s biometric controls may be included in the 2024 national budget that Malacañang will submit to Congress in August,” dagdag pa nito.

Ang biometric technologies na nagbibigay ng automated facial, fingerprint, at kumikilala sa mga foreign visitors na madaliin makakuha ng immigration clearance at travel experience, at magpapahusay sa karanasan sa paglalakbay, ayon kay Pimentel.

Sinabi ni Pimentel na ang biometric facial comparison lamang ang magpapatibay ng proteksyon laban sa mga pekeng pagbabanta at maiwasan ang pagpasok o muling pagpasok ng mga dayuhang naghahangad na gumawa ng mga krimen sa bansa.

Mismong si Justice Secretary Jesus Crispin Remulla, sa panahon ng kanyang pagdinig sa kumpirmasyon, ay nagpilit ng biometric tracking ng mga dayuhang bisita, sa gitna ng pagkakasangkot ng ilang overstaying Chinese nationals sa mga kriminal na aktibidad tulad ng human trafficking, prostitusyon at online na pagsusugal na may kaugnayan sa pagkidnap.

Marami sa mga overstaying Chinese nationals ang dumating sa Pilipinas sa kasagsagan ng tinatawag na “pastillas” scam noong 2019.

Bilang kapalit ng mga suhol, pinadali ng scam ang pagpasok ng mga grupo ng mga Chinese national, kabilang ang mga may derogatory records sa China, nang hindi sumasailalim sa standard immigration procedures.

Ilan sa mga Chinese nationals ay naunang tumakas sa China at pumasok sa Pilipinas sa pamamagitan ng Vietnam, Cambodia, Myanmar at iba pang bansa.

Dahil dito, 45 immigration officers ang nasangkot sa scam at sinibak at ngayon ay nahaharap sa kasong kurapsyon sa Sandiganbayan.