Ni NOEL ABUEL
Nagpahayag ng suporta ang ilang kongresista para sa landmark na trilateral summit na nagtatampok kay United States President Joe Biden, Japan Prime Minister Fumio Kishida, at Pangulong Ferdinand “Bongbong” R. Marcos Jr., na tinawag itong “game-changer for regional cooperation and diplomacy. ”
Ang unang pagpupulong ng tatlong pinuno sa Washington, D.C., noong Abril 11 ay isang malaking hakbang sa pagpapalakas ng mga ugnayang pang-ekonomiya, pagtataguyod ng kapayapaan sa rehiyon ng Indo-Pacific, at pagpapahusay ng kooperasyon sa magkabahaging interes.
Sinabi ni Deputy Majority Leader at PBA party list Rep. Margarita “Atty. Migs” Nograles na kumpiyansa ito na ang trilateral na pagpupulong ay magsisilbing magandang ugnayan para sa pagpapaunlad ng pinahusay na kooperasyon at kaunlaran, na sa huli ay makikinabang sa mga mamamayan ng mga kalahok na bansa.
“This historic gathering presents a unique opportunity for our nations to collaborate on key issues that affect our shared interests and aspirations. I am confident that this summit will pave the way for enhanced cooperation and prosperity for our peoples,” sabi ni Nograles.
Binigyan-diin naman ni Assistant Majority Leader at Lanao del Sur 1st District Rep. Zia Alonto Adiong ang kahalagahan ng dayalogo at pagtutulungan sa pagtugon sa mga hamon sa rehiyon.
“As representatives of our constituents, we applaud the efforts of our leaders to engage in constructive dialogue that aims to promote peace, stability, and economic growth in the Indo-Pacific region,” ani Adiong.
Sabi naman ni Assistant Majority Leader at La Union 1st District Rep. Francisco Paolo Ortega na ang potensyal ng trilateral summit ay upang palakasin ang economic partnerships at pahusayin ang panrehiyong seguridad.
“The coming together of these three leaders underscores the importance of strategic cooperation in addressing shared challenges and seizing opportunities for growth and development,” ani Ortega.
Kumpiyansa naman si Assistant Majority Leader at Zambales 1st District Rep. Jefferson Khonghun na magiging maayos ang trilateral summit.
“As young leaders, we recognize the significance of multilateral engagements in shaping a more prosperous and secure future for our nations,” ayon kay Khonghun.
“This summit represents a crucial step towards deepening our ties and fostering greater understanding and cooperation among our citizens,” dagdag nito.
OnlineBalita news 